Enno Bozdo ka folur sot gjatë një interviste televizive në lidhje me situatën politike në vend, si dhe me ecurinë e Partisë Demokratike pas ngjarjeve të fundit. Duke përmendur Kuvendin e PD që do të mblidhet nesër, Bozdo tha se ky organizim rikthen Partinë Demokratike de facto në rrugën e opozitarizmit. Ai shtoi më tutje se vetë pjesëmarrja e prej 40 mijë demokratëve në zgjedhjet për krerët e degëve të PD tregoi se shumica e bazës është me ‘Rithemelimin’.
“Mos prisni diçka të rëndësishme. Ndryshimet e elitave politike nuk ndodhin për tre muaj, por shtrati është aty. Ky Kuvend e rikthen PD-në në opozitë jo zyrtarisht, por për kauzat që propozon dhe bien dakord”, tha Bozdo. Ai tha se nga sot kjo opozitë duhet të gjykohet nga aksionet e saj politike dhe çfarë prodhon
Lidhur me reagimin e DASH për Sali Berishën, Bozdo tha se “ai është një qëndrim aspak koherent”. “Sot në Shqipëri nuk flitet më për korrupsion nga ana e zotit Berisha, por për korrupsionin e kësaj qeverie. Atë motivacion Lulzim Basha dhe të tijët nuk e besuan në çastin kur u dha…Të thuash që veprimet korruptive të Berishës shqetësojnë Shqipërinë dhe rajonin duket që është shkruar nga dikush që e sheh vendin tonë si një pikë uji në oqean”, u shpreh Bozdo, duke thënë se DASH nuk mund të ndërhyjë në drejtimin apo organizmin e PD .
Discussion about this post