Aktori dhe kandidati i njohur Florijan Binaj ka reaguar për zgjedhjet e pritshme në Tiranë, duke i cilësuar ato si një hap të rëndësishëm në një rrugë të gjatë drejt ndryshimit.
Në një postim për miqtë e tij, Binaj shprehet se, pavarësisht se data e votimit ende nuk është caktuar, ai dhe bashkëpunëtorët e tij do të marrin pjesë me vizion dhe vullnet për të sjellë ndryshimin e dëshiruar.
“Deri atëherë ju ftoj të punojmë çdo ditë për të ndezur në mendjet dhe zemrat e qytetarëve besimin tek politika e ndershme, tek politika e punës, besimin se pushteti buron nga qytetarët dhe duhet të punojë vetëm për qytetarët,” shkruan Binaj.
Ai përmend gjithashtu se partia më e rëndësishme dhe më e fuqishme në botë është “partia e qytetarëve”.
Florijan Binaj përfundon mesazhin me përkushtimin e tij për angazhim dhe besim në këtë proces.
Discussion about this post