Në lidhje me sulmin terrorist në Kabul, kanë reaguar edhe talebanët ndërsa thonë se shpërthimet ndodhën në zonën nën kontrollin e SHBA.
“Emirati Islamik dënon ashpër bombardimin që synonte civilët në aeroportin e Kabulit. Shpërthimet ndodhën në një zonë ku forcat amerikane janë përgjegjëse për sigurinë ” – shkruan Zabihullah Mujahid në një postim në Twitter.
Suhail Shaheen, një zëdhënës tjetër i talebanëve, tha se grupi po i kushtonte vëmendje të madhe sigurisë dhe mbrojtjes së njerëzve të tij.
