Pasi gjykata e Tiranës caktoi masën burg me afat 35 ditë për efektivin e RENEA-s Xhuljo Liçi, 35 ditë arrest me burg për Dedë Nimanin dhe arrest shtëpie për Luan Gaçin, ka reaguar avokati i Liçit.
Avokati i efektivit Liçi, Ferdinand Ndoja kërkoi që klientit të tij t’i caktohet një masë tjetër sigurie, pasi siç u shpreh ai para mediave, nuk ka asnjë lloj njohjeje apo komunikimi mes tij dhe dy të arrestuarve të tjerë.
Ndoja theksoi se nëse Nimani do ta njihte Liçin, nuk do të kishte dalë në rrugë për të bërë autostop ndërsa ecte. Siç ka deklaruar edhe vetë efektivi i RENEA-s, ai nuk kishte fare lidhje me ngjarjen, por se u ndodh rastësisht aty.
“Nimani i ka ngritur dorë, Liçi ka kujtuar se bëhej fjalë për një kalimtar të rastit. Pastaj, e mori në bagazh ai vendosi një çantë“, tha Ndoja.
