Prej mbrëmjes së djeshme mbetjet e qytetit të Laçit janë përfshirë nga flakët dhe kjo kka bërë që ditën e sotme që qyteti të zgjohet nën pushtetin e një reje të madhe të zezë të shkaktuar nga djegia e plastikave.
Kryetarja e Bashkisë së Kurbinit, Majlinda Cara në një prononcim për mediat ka thënë se zjarrvënia ka qenë e qëllimshme, ndërsa theksoi se në këto momente që flasin janë duke u vendosur në kontroll flakët.
Cara tregon se në terren janë mbi 20 mjete që po punojnë për të normalizuar situatën, ndërsa kur është pyetur për postimin “propagandues” të Ramës, ajo tha se bashkia që menaxhon ka kontrollin më të mirë sa i përket mbetjeve urbane.
“Zjarrvënie e qëllimshme për të bërë dëme në qytet, janë marrë masa nga Bashkia Kurbin. Në këto momente janë shuar pjesa më e madhe vatra të zjarrit. Janë mbi 20 mjete zjarrfikëse që po punojnë që nga ora 11e gjysmë e natës.
Qarku lezhë dhe bashkia Lezhë është një ndër qarqet që e ka landfillin më të mirë në Bushat, por prej 20 vitesh janë hedhur mbeturina, jo të rregullta në të gjithë territorin dhe për një vit e gjysmë Bashkia Kurbin ka punuar duke i menaxhuar.
Në momemtin kur kam marrë detyrën, vendimi i parë ishte mbyllja e depozitimit dhe transporti i mbeturinave në Landfillin Bushat. Kostoja është e madhe dhe bashkia në buxhetin 2022 ka bërë parashikimin për të përballuar koston e transportit nga vendi i mbetjeve deri në Bushat”, tha kryebashkiakja Cara.
