Drejtoria Vendore e Policisë Elbasan ka reaguar pas transmetimit të rastit investigativ në emisionin “Stop”, që trajtonte një rast të dyshuar abuzimi me detyrën nga një punonjës i saj.
Në njoftim zyrtar, policia bën me dije se është pezulluar menjëherë nga detyra komisar O. M., me detyrë shef i Seksionit të Trafiqeve në DVP Elbasan, deri në përfundim të hetimeve administrative dhe penale.
Po ashtu, Drejtoria e Standardeve Profesionale pranë Drejtorisë së Përgjithshme të Policisë së Shtetit ka nisur menjëherë hetimin administrativ, bazuar në nenin 121, pika d, të Ligjit nr. 82/2024 “Për Policinë e Shtetit”.
Në lidhje me rastin, Policia e Shtetit konfirmon se po bashkëpunon me Agjencinë e Mbikëqyrjes Policore (AMP) dhe me Prokurorinë e Elbasanit, pasi ekzistojnë dyshime për kryerjen e një vepre penale nga punonjësi i policisë.
Në fund të reagimit, Policia e Shtetit falënderon median dhe qytetarët që raportojnë raste abuzimi me detyrën dhe i fton ata të vijojnë denoncimet, duke garantuar reagim të menjëhershëm dhe të paanshëm ndaj çdo rasti të tillë.
Discussion about this post