Portugezi ka shënuar dy gola në debutimin e tij të dytë me skuadrën e Manchester United, ndeshje që e fituan me rezultatin 4-1 duke kaluar në vendin e parë të Premier Ligës angleze.
Cristiano Ronaldo e ka pranuar se kthimi te Manchester United ishte “magjik”, me portugezin që shënoi dy gola në debutimin e tij të dytë për ‘Djajtë e Kuq’ kundër Newcastle.
Portugezi është kthyer prapë në skuadër me fanellën numër 7, për herë të parë pas 12 viteve.
Ai shënoi me stil në të dyja pjesët, fillimisht në pjesën e parë dhe pastaj në pjesën e dytë, derisa skuadra e Ole Gunnar Solskjaer fitoi me rezultat 4-1.
“Kthimi im në Old Trafford ishte një kujtim i shpejt i asaj se çfarë e njohim ne si Teatri i Ëndrrave. Për mua, gjithmonë ka qenë një vend magjik ku ju mund të arrini atë që ju e dëshironi” shkroi portugezi në Instagram.
