Real Madridi, kampioni në fuqi i Champions League, e ka nisur mbarë këtë sezon të ri në transfertë ndaj Celtic.
Pjesa e parë përfundoi në barazim pa gola, me vendasit që kërkuan golin duke e vënë jo pak në vështirësi skuadrën e Carlo Ancelottit.
“Galaktikët” morën një goditje të rëndë në minutën e 30, pasi Karim Benzema la fushën i dëmtuar, ndërsa në vendin e tij u aktivizua Hazard.
Në pjesën e dytë, Reali shtoi “marshin” duke dominuar dhe shënuar 3 gola. Fillimisht ndeshja u zhbllokua nga Vinicius në minutën e 56 dhe vetëm 4 minuta më vonë do të shënonte edhe Modric, duke e “vrarë” kështu ndeshjen.
Goli Modric erdhi falë një impulsioni të Eden Hazard i cili dhe edhe asist, para se të dërgonte vete topin në rrjetë në minutën 77 pas një aksioni spektakolar.
Belgu kështu “ngroh” madrilenët të cilët janë në akth për Karim Benzema. Rezultati përfundimtar i kësaj ndeshje do të ishte pikërisht 0-3.
Ndërkohë, PSG ka arritur të fitojë ndaj Juventusit në ndeshjen e parë të grupeve.
Në minutën e 5-të, Neymar ka shërbyer një top spektakolar për Mbappe dhe francezi ka dërguar topin në rrjetë fluturimthi.
PSG po provonte për të gjetur golin e dytë dhe ia arriti qëllimit. Në minutën e 22-të Hakimi dhe Mbappe u futën brenda zonës duke bërë kombinime të shpejta dhe më pas francezi shënoi përsëri.
Juventus pati disa shkëndija me Milik por Donnarumma ishte i vëmendshëm.
Në pjesën e dytë, Juventus arrinë të ngushtojë rezultatin në minutën e 53-të me anë të amerikanit McKennie pas një asistimi nga Kostic.
Loja më pas u bë më shumë posesive nga ana e francezëve, ndërsa Juventus tentoi të dilte përpara për të barazuar rezultatin.
Discussion about this post