Real Madrid ka lënë pas zhgënjimin në finalen e Superkupës të Spanjës ndaj Barcelonës dhe ka fituar pasditen e sotme 4-1 ndaj Las Palmas, ndeshje e vlefshme për javën e 20-të në La Liga.
Edhe pse miqtë shënuan që në minutën e parë me Silva, madrilenët përmbysën shpejt shifrat. Në minutën e 18′ erdhi barazimi, Mbappe shënon nga pika e bardhë e penalltisë, e cila u fitua nga Rodrygo.
Më pas “Los Blancos” shënuan dy gola në 3 minuta. Brahim Diaz shënon në minutën e 33′ pas asistit të Lucas Vasquez, në minutën e 36′ erdhi goli i tretë për “Los Blancos” pas super kombinimit Rodrygo-Mbappe, francezi dërgon topin në rrjetë.
Në minutën e 56′ të pjesës së dytë ishte radha e Rodrygo-s për të shënuar golin e katërt pas asistit të marrë nga Fran Garcia. Rezultati do ishte akoma edhë më i thellë, por VAR-i iu anulloi 3 gola madrileënve.
Pas kësaj fitoreje, Real-i merr vendin e parë në La Liga me 46 pikë, dy më shumë se Atletico Madrid dhe 7 pikë më shumë se Barcelona. Ndërkohë Las Palmas renditet në vendin e 14-të me 22 pikë.
GOLAT REAL MADRID 4-1 LAS PALMAS
Discussion about this post