Nuk ishte ndeshja më e shumëpritur këtë të mërkurë në mbrëmje. Mes ndeshjes së dytë të Champions League mes Dortmundit dhe Chelsea (1-0) dhe përplasjes në krye të Premier League-s mes Arsenalit dhe Manchester Cityt (1-3), takimi mes Real Madridit. dhe Elche, një ndeshje e javës së 21-të të La Ligës, nuk ishte main eventi i mbrëmjes. Mirëpo, ky takim i lejoi Karim Benzemës të hynte, në moshën 35-vjeçare, pak më shumë në historinë e “Los Blancos” edhe të futbollit spanjoll.
“Topi i Artë” i vitit 2022 mori pjesë aktive në fitoren e skuadrës së tij ndaj Elches, që i lejoi Realit të rikthehej në 8 pikë larg pas Barcelonës kryesuese, duke shënuar një dopietë golash… me penallti në minutën e 31-të më pas në të 47-ën.
Dy gola që bënë sulmuesin francez të shkojë në shifrën e 230 realizimeve. Ky numër e lejon Karim Benzema të kalojë legjendën e klubit Raul Gonzalez Blanco (i cili ka shënuar në kampionat, 228 gola) dhe të hyjë në 5 më të mirët për sa i golashënuesve historikë të kampionatit spanjoll, pas Lionel Messit (474 gola), Cristiano Ronaldos (311), legjendarit Telmo Zarra (252) dhe meksikanit Hugo Sanchez (234 gola).
Francezi logjikisht duhet të kalojë meksikanin në javët e ardhshme, edhe pse duhet thënë se ndaj skuadrës së vendit të fundit, “Karim The Dream”, kishte shumë mundësi për të realizuar edhe disa gola të tjerë por ishte jo preciz para portës.
Discussion about this post