Real Madrid duket se nuk i zë më besë Kylian Mbappesë dhe enturazhit të tij, me tekat e francezit që janë bërë “bajate”.
Spanjollët po mendojnë për një sulmues tjetër, për t’a sjellë në Madrid në rast dështimi të tratativës me yllin e PSG.
Sulmuesi i Juventusit, Dusan Vlahovic, mund të transferohet te 14-herë kampionët e Europës.
Media spanjolle “Cadena SER” pretendon se “Los Blancos” e shohin serbin 23-vjeçarin si një përforcim të mundshëm. Raportohet se Real Madridi mund t’i bashkohet luftës për Vlahovic nëse klubi nuk arrin të nënshkruajë sulmuesin e PSG-së, Kylian Mbappe.
Sipas burimit, vetë Vlahovic është i interesuar të kalojë te Real Madrid për të luajtur në Champions League.
Kontrata e sulmuesit me Juventusin është e vlefshme deri në fund të qershorit 2026. Ekspertët e Transfermarkt vlerësojnë vlerën e Vlahovicit 70 milionë euro.
Discussion about this post