Dështimi për Erling Haaland nuk e ka demoralizuar Florentino Perezin, por përkundrazi e ka bërë më insistues numrin një të Real Madrid.
Pas Endrick Felipes, lojtar të cilin Carlo Ancelotti do ta ketë në dispozicion në sezonin e ardhshëm, italiani konsideron se i duhet një tjetër element për të mbështetur Karim Benzeman, i domosdoshëm për vijimësinë e “Galaktikëve”.
Atalanta është shëndërruar në destinacionin e ri të kryeqytetasve, aty ku po spikat Rasmus Hojlund.
19 vjeçari ka impresionuar dhe tanimë konsiderohet një ndër golashënuesit më të mirë të Serisë A , me 11 gola dhe 5 asiste në 24 sfidat e deritanishme.
Ishi i Milanit është i sigurtë se mënyra e lojës së danezit mund ti japë një tjetër ritëm ofensivës së ‘”Los Blancos” i cili shquhet për luftën një kundra një dhe sidomos gjatësinë që e ndihmon sidomos për të fituar duelet në ajër, pa harruar edhe fizikun mbresëlënës.
Për më tepër nga specialistët e shumtë Rasmus Hojlund është krahasuar me Erling Haaland dhe mbrojtja e ngjyrave të kësaj skuadre do të ishte një privilegj dhe një mundësi për të fituar trofe të rëndësishëm në Spanjë dhe Europë.
Discussion about this post