Reali i Madridit është në pritje të gjithçkaje që po ndodh mes PSG e Kylian Mbappe. “Los Blancos” vijojnë punën në hije dhe bordi i klubit nuk përjashton që operacioni i francezit të zgjasë deri në ditën e fundit të merkatos.
Askush nuk e përjashton këtë skenar në Santiago Bernabeu, ashtu siç ndodhi me Gareth Bale disa vite më parë. Është një opsion për të cilin ata janë të përgatitur, pasi për të cilin kanë dritën jeshile nga Parisi, do të ofrojnë një shumë dhe do të presin përgjigjen e menjëhershme të PSG-së.
Në rast se kjo alternativë nuk realizohet, Real Madridi nuk do ta ketë problem të presë vitin 2024 dhe ta nënshkruajë atë krejtësisht falas. Lojtari do të jetë përgjegjës për të vendosur se çfarë të bëjë me të ardhmen e tij.
Kjo ka bërë që disa drejtues të mendojnë se ky transferim mund të arrihet në orën 23:00 të datës 31 gusht, sipas asaj që ka mësuar mediumi spanjoll “DefensaCentral”. Real Madrid ka përvojë në nënshkrimet e minutës së fundit dhe ky operacion ka karakteristikat e transferimeve të tjera të ngjashme.
“Los Blancos” vazhdojnë të ruajnë një mentalitet pozitiv për ardhjen e sulmuesit francez dhe e shohin atë më afër se kurrë. Strategjia vazhdon të jetë e njëjtë në Santiago Bernabeu dhe ata do të presin momentin e duhur për të bërë ofertën e tyre.
Klubi spanjoll kërkon që sulmuesi francez të komunikojë vendimin e tij për t’u larguar nga PSG dhe kështu të jetë në gjendje të bëjë efektiv ardhjen e tij. Reali ka mësuar nga gabimet dhe e di se është Mbappé ai që duhet të bëjë hapin që ky operacion të arrihet me sukses.
Discussion about this post