Real Madridi është afër sigurimit të Kepa Arrizabalagas në huazim, Raporton gazeta ‘Marca’. Thibaut Courtois u dëmtua rëndë në stërvitje të enjten e kaluar dhe do të mungojë për disa muaj, gjë që i bën madrilenët të shkojnë në merkato për të gjetur një zëvendësues të ri.
Sipas të njëjtit burim, huazimi i portierit të Chelseat te Bayern Munich ishte në rrugën e duhur derisa… Real Madridi hyri në skenë dhe Kepa zgjodhi klubin spanjoll. Blutë nuk i vunë asnjë pengesë largimit të ndërkombëtarit spanjoll, pasi Robert Sánchez, i nënshkruar në gusht nga Brighton, do të jetë numri 1 në portë.
Deri këtë të premte, Bounou, portieri i Sevillas, ishte favorit për të përforcuar portën e Real Madridit, por interesi u zvogëlua për faktin se ndërkombëtari maroken do largohej për rreth një muaj për të luajtur në Kupën e Kombeve të Afrikës.
Discussion about this post