Real Madrid e nisi këtë sezon të La Ligës me frymën e duhur për fitore. Skuadra e Ançelotit, arriti të triumfonte me rezultatin 1-4 në ndeshjen e parë ndaj Alaves.
Pjesa e parë u mbyll me rrjetat e paprekura, teksa në 45 minutat e dyta, u realizuan plot 5 gola. Ishte Benzema, i cili në minutën e 48-të, hapi serinë e golave. Tetë minuta më vonë, ishte radha e mbrojtësit Naço, i cili dyfishoi shifrat, teksa në këto moment madrilenët morën superxhiro, duke realizuar edhe golin e tretë me Benzemanë në minutën e 62-të.
Vendasit u përpoqën ta rihapnin sfidën me anë të Joseleut që realizoi nga pika e bardhë e penalltisë, ndërkohë që Viniciues Zhunior, i hedhur nga stoli, realizoi golin e katërt në minutën e 92-të, duke vulosur përfundimisht takimin.
