Tashmë është gjithçka zyrtare. Eduardo Camavinga është futbollisti më i ri i skuadrës së Realit të Madridit.
18-vjeçari është transferuar te “Los Blancos” për 31 milionë euro. Mesfushori francez ka nënshkruar një kontratë deri në vitin 2027, teksa lajmi është konfirmuar nga vetë klubi, nëpërmjet një postimi në faqen zyrtare.
Kamavinga ishte një ndër futbollistët më të kërkuar të merkatos këtë sezon, teksa madrilenët kanë arritur të joshin talentin francez, për të qenë pjesë e klubit të tyre, teksa do të vihet në dispozicion të Ançelotit. Më herët Manchester United dhe PSG kishin shprehur interesimin për të firmosur me talentin por në fund Reali ka mundur të bindë francezin.
