Real Madrid ka arritur të triumfojë me rezultatin e pastër 3 me 1 në “Santiago Bernabeu” ndaj rivalëve të Espanyol, në një fitore ku deçizivë ishin golat e shënuar nga dyshja braziliane Vinicius Junior-Eder Militao.
Gjithçka u vulos në pjesën e parë. Fillimisht avantazhin e morën miqtë e Espanyol, të cilët pas një kundërsulmi blic gjetën të papërgatitur mbrojtjen “madrilene” dhe me anë të Joselu ndëshkuan portierin Courtois në minutën e 8-të të sfidës.
Më pas do të vinte radha e brazilianëve. Së pari, Vinicius Junior driblon i vetëm kundërshtarët dhe me një goditje diagonale dhe potente brenda zonës mposht portierin kundërshtar në minutën e 23’-të dhe vetëm 16 minuta më pas në të 39’-tën, pas një krosimi në zonë nga ana e Aurelien Tchouameni, qendërmbrojtësi Eder Militao kërcen më lart se të tjerët duke siguruar kështu avantazhin, ndërsa të vulosur gjithçka mendoi Marco Asensio në minutën e 93’-të të sfidës.
Pas këtij triumfi “galaktikët” ngjiten në kuotën e 56 pikëve, 6 më pak se rivalët e Barcelonas në vendin e parë, por “katalanasit” kanë ende një ndeshje për të luajtur.
Discussion about this post