Merkato e transferimeve është në fazën e saj më të nxehtë, me klubet e ndryshme të Europës dhe botës që po bëjnë lëvizjet e tyre për të nisur sezonin në mënyrën më të mirë.
Nuk mbetet pas, Manchester United, me “Red Devils” që kanë si objektiv, përmirësimin e rezultatit të sezonit të kaluar në Premier League.
Ata po punojnë shumë në afrimin e lojtarëve cilësorë, me Frankie De Jong që vazhdon të mbetet një synim madhor i trajnerit Eric Ten Hag.
Mesfushori është një nga beniaminët e trajnerit holandez, i cili e kishte pjesë të skuadrës së Ajaxit, në sezonin 2018-19, me të cilën arriti gjysmëfinalet e UEFA Champions League.
Vitin e shkuar, transferimi dështoi për faktin se De Jong, dëshironte që të qëndronte në Barcelonë, megjithatë United mund të tentojë në të ardhmen e afërt për të siguruar shërbimet e tij.
Ndërkohë, përsa i përket një tjetër, mesfushori holandez, të besuar të Ten Hag, situata është krejt e kundërt. Doni Van de Beek, nuk shihet si një prej titullarëve te Manchester United, me klubin që mund të bëjë fare mirë, edhe pa të, duke e shitur ose dhënë në huazim.
Pikërisht për mesfushorin, interesohet Real Sociedad, që e kërkon në ekip, si zëvendësues për të tërhequrin nga futbolli, David Silva. Të dy klubet po punojnë për të mbyllur me sukses transferimin e Van de Beek, megjithatë ende nuk dihet se si do të shkojë mesfushori në San sebastian.
Mëdyshjet janë mes transferimit përfundimtar ose huazimit. Orët në vijim do të mësohet më shumë për fatin e Doni van de Beek./m.b /gijotina.com
https://www.facebook.com/fabrizioromanoherewego/posts/pfbid02P1Xk9w3pH5DFpfanko7JWyFJtWatzqq8MQSPDib9kt5wRjbujRqRtKbuDFkdB5WDl?__cft__[0]=AZUww44lfpmfwGNWmeLUbKhEEhbPgmAKbpTYpeC9ImFvXte6prj6Xfbuhm26G7UAAAWYzRoZTd21IvSXUFH2LOmTL7ZqRX80iaJUe_ej0NUwhAnrEARRrADPt3ndBHBW6-R1ocwTM1yThnRqgF01o8ANVsLH_wv0Jp6QOtRcKQlz77CaqX0nZt02iy-YS7COmWg&__tn__=%2CO%2CP-R
Discussion about this post