Real Madrid ka siguruar fitoren ndaj Elches, në javën e 10-të të La Ligas. “Los Blancos” fituan 1-0 ndaj Elches, duke siguruar kështu 3 pikë të rëndësishme për kreun e kampionatit.
Benzema që në minutën e 6-të do të gjente golin e avantazhit, por VAR do ta anulonte për pozicion jashtë loje.
Valverde do të ishte vendimtar në këtë sfidë, teksa arriti të gjente rrugën e rrjetës në minutën e 11-të të takimit, teksa përsëri VAR do të ishte protagonist duke anuluar një tjetër gol të “Los Blancos”, pasi goli i Alabas në minutën e 26-të do të anulohej për pozicion jashtë loje.
Madrilenët do të provonin të gjenin edhe golin e dytë, por VAR-in përsëri do të kishin kundër, pasi përsëri do të anulohej një tjetër gol i Benzemas në minutën e 61-të për pozicion jashtë loje.
E treta e vërteta do të ishte kjo për sulmuesin francez, i cili do të realizonte në minutën e 75-të, ku i asistuar nga Rodrygo nuk do ta kishte të vështirë të mposhte portierin kundërshtarë, për të çuar shifrat në 2-0.
Në minutat e mbetura do të kishte vend për të shënuar edhe golin e tretë të takimit, pasi Asensio i asistuar nga Rodrygo do të vuloste këtë duel.
Reali vazhdon të kryesojë La Liga me 28 pikë, pas 10 ndeshjes të luajtura.
Discussion about this post