Kënga me titull “Theje”, e cila ishte një ndër këngët konkurruese në “Festivalin e 60-të të Këngës”, e kënduar nga Alban Ramosaj, ishte padyshim një hit.
Natën e dytë të festivalit, Albani solli një duel me legjendën e muzikës shqiptare, Gjergj Lekën, duke e bërë akoma dhe më të veçantë atë festival.
Por në një intervistë për “ABC News” , Leka ka treguar se ai nuk e njihte Albania deri në momentin që Arditi ia prezantoi.
“Më vijnë mesazhe që kujtojnë njerëzit që është kënga ime, por në fakt nuk është kënga ime. Mua sugjerimin ma ka bërë Ardit Gjebrea. Kisha vite që nuk merresha me festivalin prej impenjieve të mia. Të renë nuk e shoh te mosha, por tek ajo që sjell. Me Arditin jemi shokë prej 50 vitesh, kur më shpjegoi si e kishte menduar pa e ditur akoma RTSH, po bënte të kundërtën e asaj që presin njerëzit dhe do dilte diçka e bukur. Për mua, Festivali ishte nata e dytë. Gjëja e parë që unë pyeta Arditin ishte këngën e kujt duhet të merrem sepse do të merresha vetë. Më tha është një djalë, Alban Ramosaj. Kush është, e pyes? Si, më tha, nuk e njeh, është ai që fitoi Këngën Magjike këtë vit”, u shpreh Gjergji.
“Theje” mori vendin e dytë në festival ndërkaq fituese u shpall Ronela Hajati me këngën “Sekret”.
Discussion about this post