Rebelimi i Wagner/ Kush mund të jetë ministri i ri i Mbrojtjes në Rusi?

Pas raportimeve për dobësimin e imazhit të Vladimir Putinit, skenarët për ndryshime rrënjësore në Kremlin janë shumëfishuar.

Mediat ruse kanë raportuar tashmë për shkarkimin e ministrit rus të Mbrojtjes, Sergei Shoigu dhe shefit të Shtabit të Përgjithshëm të Mbrojtjes, Valery Gerasimov.

Burimet ruse kanë nisur të japin emra të mundshëm për portofolin e Mbrojtjes.

Alexey Dyumin duket të jetë kandidati dominues për këtë post vendimtar . 51-vjeçari që ka të ngjarë të zëvendësojë Shoigu ishte një ish-truproje i Putinit, është zëvendësministër i mbrojtjes dhe nënkryetar i GRU.

Përfshirja e tij e drejtpërdrejtë në aneksimin e Krimesë i dha atij një promovim në gjeneral-lejtnant dhe që atëherë ai ka gëzuar sukses të madh politik si guvernator i rajonit Tula të Rusisë.

Vihet re se një vit më parë Dyumin u shfaq si një pasardhës i mundshëm i Putinit, ndërsa konsiderohet si një nga njerëzit më të fuqishëm në Kremlin.