Reperi i njohur Fero ndodhet sërish në telashe. Feronit Shabani, bashkë me truprojën e tij dyshohet që kanë sulmuar sot në studion e tij producentin Jetmir Agaj.
Sipas mediave vendase, burime nga policia kanë deklaruar se gjatë sulmit është përdorur edhe një armë zjarri nga truproja e Feros, Bujar Ibishi.
Sakaq, bëhet me dije se pas konfrontimit mes Feros e Jetmir Agajt, truproja i Feros ia ka drejtuar armën nipit të Agajt duke i thënë “mos u afro se të vrava”.
Ndërkohë, Jetmir Agaj për momentin është duke u marrë në pyetje në polici, ndërsa Fero dhe Bujar Ibishi janë shpallur në kërkim nga policia.
