Rikthimi i virusit vdekjeprurës COVID-19 në Shqipëri ka shtyrë bluzat e bardha të bëjnë deklarata të forta dhe paralajmëruese për qytetarët. Mjeku infeksionist, Tritan Kalo, ka hedhur akuza ndaj bluzave të bardha për dhënien e medikamenteve të cilat EMA dhe FDA i kanë hequr nga receta e Covid.
Përmes një postimi në “Facebook”, Kalo shkruan se shumë ilaçe të njohura si Remdesvir, Favira, Truvada, Tamiflu, kanë rezultuar të padobishëm, por përdoren për trajtimin e qindra pacientëve, ndonëse OBSH ka deklaruar mospërdorimin e tyre.
“Kohë kovidiane.16.09.2021. Për sa kohë që ASNJË antiviral si: Remdesivir, Favira, Kaledra, Truvada, Tamiflu, etj., apo antiparazitari Ivermectin nuk kanë dhënë ndonjë efekt dobiprurës në mjekimin e të sëmurëve me Covid-19, përkundrazi më shumë dëmprurës të tyre, përse ato vijojnë e përshkruhen nga kolegët ose vijojnë të kërkohen nga të sëmurët ose të afërmit e tyre. Asnjëri prej tyre nuk është antiviral specifik ndaj virusit Sars-Cov2/Covid-19. Koha kur ato jepeshin me qëllim uljen e ngarkesës virale në organizëm, është e vonuar dhe pothuajse pak ose aspak ndikojnë mbi të. FDA, EMA, WHO kanë rekomanduar MOS dhënien e tyre. Bëhet fjalë për Panjohuri apo për Përfitime monetare në këto kohë të turbullta kovidiane.” Së pari mos lëndo”(“Primum non nocere”) – shprehet babai i mjeksisë Hipokrati….Together forever!!”, shkruan mjeku Kalo.
Kujtojmë se më 30 gusht Komiteti Teknik i Ekspertëve ka vendosur ndryshimin e orës policore nga ora 23:00 – 06:00 që do të hyri në fuqi nga data 1 shtator. / A.L gijotina.com /
