Shtatë minuta në fushë i kanë mjaftuar Redon Xhixhës për të shënuar gol me Qarabag. Edhe pse kjo periudhë nuk ka qenë më e mira për futbollistin nga Laçi që ka marrë shumë pak hapësira te klubi azer, këtë herë ai nuk ka falur dhe pas afro dy muajsh është kthyer te goli në Azerbajxhan.
Në suksesin 5-0 që Qarabag regjistroi në shtëpi ndaj Sumqayit, shqiptar u aktivizua në fushë në minutën e 69-të të sfidës dhe i mjaftoi shumë pak kohë për të gjetur rrjetën.
Xhixha ishte protagonist i golit të katërt dhe vulosi kështu praktikisht fatin e sfidës.Ky ishte goli i tretë për Redon Xhixhën në kampionat dhe i katërti në këtë sezon.
25 vjeçari është një nga emrat që është diskutuar më shumë te klubi azer lidhur me të ardhmen e tij. Në ato pak minuta që ai është aktivizuar, Xhixha ka lënë gjurmë dhe është vlerësuar pozitivisht nga ekspertët.
Kontrata e tij skadon në verën e vitit 2026 por nuk përjashtohet edhe mundësia tjetër, për tu larguar në një skuadër ku do mund të marri më shumë hapësirë dhe minuta.
Discussion about this post