Referendum për bashkimin me Shqipërinë, PSD: Nesër nisim mbledhjen e firmave

Zyrtari i PSD-së, Nol Nushi ka njoftuar se nesër në sheshin Skënderbeu do te organizohet referendum për bashkim me Shqipërinë nga ky subjekt politik.

Nushi ka bërë të ditur se për këtë iniciativë kanë lajmëruar edhe kryeministrin e Kosovës, Albin Kurti përmes telefonit dhe email-it zyrtar.

“Para pak minutash, përmes e-mailit zyrtar dhe numrit personal te telefonit, e njoftuam Kryeministrin Kurti që nesër ne orën 13:00, në sheshin Skënderbeu do të organizohet referendum për bashkim me Shqipërinë.

Duke e ditur që Kryeministri i ka 700 punë, vendosëm që këtë punë logjistike t’i kryejmë ne për të në mënyrë që ai ta kryejë vetëm procesin e votimit. Shihemi në shesh Kryeministër!” – shkroi Nushi në Facebook.