Ditën e nesërme pritet që ish-kryeministri Sali Berisha të mbajë referendumin në bazën e Partisë Demokratike, ku sipas tij do të konfirmohet shkarkimi i Lulzim Bashës.
“Nga ora 8 mëngjesit 106 QV në 71 degët e PD do jenë të hapura”, shprehet Belind Këlliçi.
Anëtari i Komisionit për Rithemelimin e PD-së, ka kërkuar nga kreu i PD-së, Lulzim Basha që të mos krijojë incidente ditën e nesërme, duke përmendur ndërrimin e brava të dyerve në selinë blu.
“Ka problem me drejtuesit qe zoti Basha la dhënë urdhër për të ndërruar bravat, kjo situate është e zgjidhur aty ku janë mbyllur bravat do ketë ambiente ngjitur ku ne do kemi sekretarin e degës ose nënkryetarin e degës.”
Ish-kryedemokrati Sali Berisha pritet të votojë në ambientet e bar Amerikës ngjitur me ambasadën amerikane, kjo për shkak të asaj që Këlliçi e konsideron si uzurpim të selisë blu, ndaj për të shmangur çdo incident nuk do të votohet aty.
“Duke qenë se në selinë e PD është uzurpuar nga njerëz të armatosur për të shmangur çdo provokim apo i incident kemi vendosur që Këshilli Kombëtar dhe dega dy këtë herë s’do votojnë në seli por në ambientet e bar Amerikës ngjitur me ambasadën amerikane, aty do votojë dhe zoti Berisha.”
Grupi i Komisionit të Rithemelimit shprehet se referendumi i ditës së nesërme nuk do mund të ndalohet nga asgjë, teksa theksohet se demokratët e thirrur janë të njëjtët me ato që votuan Bashën si kryetar në zgjedhjet e 13 qershorit.
“Basha se kupton qe referendumin se ndalon as me vulë dhe as me bravë, kjo është çështje shumice. Ne s’na intereson incidenti dhe konflikti se kemi shumicën. Demokratët e thirrur për votim, do të jenë të njëjtën që votuan në 13 qershor për Lulzim Bashën kryetar. Është e njëjta listë anëtarësie me 13 qershorin, kushdo që vjen me një teser mblidhen dhe njësohet Nr i anëtarësisë 76 mijë.”
Discussion about this post