Deputetja e PD-së, Ina Zhupa, e ka quajtur referendumin e ngritur nga Berisha “referendumi i kafeneve’. Ajo tha në një prononcim për mediet se në asnjë mënyrë ky referendum nuk mund të konsiderohet ligjor. Sipas Zhupës, Berisha po i përdor shqiptarët për interesa personale.
“Demokratë që nuk kishin konfirmuar më parë pjesëmarrjen kanë ardhur sot këtu. E kanë parë spektaklin në ‘Air Albania’. Ai proces që po ndodh në kafenetë e Shqipërisë nuk prodhon vendime. Unë i bëj thirrje të gjithëve të vijnë këtu, nëse janë delegatë të marrin kartën, të thonë mendimet e tyre qoftë kundër Lulzim Bashës apo kundër meje. Më vjen keq që demokratët po përdoren si ‘mish për top’ për interesa personale”, tha Zhupa, duke theksuar se Kuvendi i sotëm do t’i hapë rrugë të ardhmes së PD-së.
Discussion about this post