Ka nisur zyrtarisht numërimi i fletëve të votimit të referendumit të thirrur nga ish-kryeministri Sali Berisha, me objektiv shkarkimin e kreut aktual të PD-së Lulzim Basha. Mësohet se qarku i parë që ka nisur numërimin është Kukësi, ku raportohet se pjesëmarrës në referendum ishin 839 anëtarë, nga 2084 të thirrur.
Votimi ishte parashikuar të mbyllej në orën 18:00, ku Berisha theksoi se ky proces do të vijojë deri në momentin që do të hidhet vota e fundit nga çdo demokrat. Më herët u raportua se kanë votuar 34.105 demokratë deri në orën 15:00. Këto shifra u bënë publike nga Albana Vokshit, ku theksoi se shifrat janë siç i kanë dërguar komisionerët.
Sipas këtij përditësimi rezulton se numri i votuesve vijon sipas këtyre të dhënave, në Shkodër, kanë votuar 3660 demokratë, në Lezhë 2670, në Kukës 15550, në Dibër 1529, në Tiranë 7536, në Elbasan 2796, në Berat 893, në Korçë 2655, në Fier 3415, në Gjirokastër 1288, në Vlorë 1273.
Discussion about this post