Forca të shtuara të Policisë së Kosovës janë vendosur në rrugën për Jarinje, një ditë pasi Kosova ndaloi mbajtjen e referendumit serb në Republikën e saj.
Një grup serbësh janë mbledhur në Mitrovicën Veriore për të kundërshtuar mosmbajtjen e referendumit, ndërsa mediat raportojnë se tubimi i tyre ka përfunduar dhe aty nuk është shënuar asnjë incident.
Në mesin e personave që u panë në këtë tubim janë ministri Goran Rakiq, deputeti Igor Simiq, si dhe kryetarët e komunave veriore të vendit. Gjatë kësaj kohe, serbët kanë vendosur një kuti votimi në qendër të qytetit si performancë, ku kanë “votuar” disa nga të pranishmit.
Nga aty, kryetari i Listës Serbe, Goran Rakiq, ka bërë të ditur se kryetarët e dhjetë komunave me shumicë serbe në Kosovë kanë dalë me një deklaratë të përbashkët.
Ai ka thënë se do të vendosin reciprocitet në veri të vendit nëse qeveria e Kosovës nuk lejon mbajtjen e zgjedhjeve serbe të 3 prillit. Komisioni i Zgjedhjeve ka marrë vendim që serbët e Kosovës të votojnë në katër qytete të Serbisë si: Kurshumlia, Rashkë, Novi Pazar dhe Vranjë, kjo pasi Kosova nuk lejoi mbajtjen e referendumit serb në Republikën e Kosovës.
Discussion about this post