Në një intervistë për mediat, bashkëkryetarja e Komisionit të Posaçëm në Kuvend, Dhurata Çupi deklaron se drafti do t’i prezantohet fillimisht deputetëve dhe më pas do të jetë publik. Çupi prezanton për herë të parë bashkitë e reja që do të propozohen t’i shtohen ndarjes administrative të vendit.
“Kemi një raport final, do ta prezantojmë ditën e enjte. Ka propozime për Paskuqanin. Është një ishull midis dy njësive, është tejkaluar nga bashkia Tiranë. Apo Zall Herri t’i bashkohet Tiranës. Kemi propozuar për bashki Shëngjinin, Orikumin” – u shpreh Çupi.
Çupi deklaron se në draftin e demokratëve do të kërkohet edhe nisja e referendumeve.
“Një nga pikat kyçe është edhe miratimi i ligjit dhe funksionaliteti i shërbimeve” – u shpreh Çupi.
Pavarësisht draftit të demokratëve, socialistët kanë deklaruar që në nisje se mazhoranca nuk do ta mbështes një ndarje administrative më të madhe se 61 bashki, teksa afati final i komisionit të posaçëm për Reformën Territoriale është data 30 shtator.
Discussion about this post