Ambasada e Shteteve të Bashkuara ka dhënë sot një njoftim të rëndësishëm sa i përket ecurisë së reformës në drejtësi në vendin tonë. Në njoftimin e ambasadës së SHBA thuhet se reforma në drejtësi nuk ka qenë e shpejtë edhe as e lehtë, duke thënë se duhet edhe më shumë punë. Ambasada shkruan se SHBA do të bëjë analizën e reformës në drejtësi të 5 viteve të fundit, ku do të merret parasysh çdo lëvizje, çdo paketë dhe çdo ndryshim i bërë.
“Me mbylljen e vitit 2021, Ambasada e Shteteve të Bashkuara në Tiranë hedh një vështrim mbi progresin që ka bërë Shqipëria gjatë pesë viteve të para të Reformës në Drejtësi. Progresi nuk duhet të matet vetëm nga distanca deri në destinacion, progresi duhet të matet edhe nga sa larg kemi arritur në udhëtim. Paketa legjislative, duke përfshirë ndryshime të rëndësishme kushtetuese, shënoi një pikënisje për matjen e këtij progresi.
Si një reformë gjithëpërfshirëse, Shqipëria zgjodhi të ndërmerrte një plan tërësor për të rivlerësuar integritetin dhe profesionalizmin e anëtarëve të sistemit të drejtësisë dhe promovimin e një kulture të re nëpërmjet ndryshimit të strukturës së institucioneve të drejtësisë nëpërmjet depolitizimit dhe decentralizimit”, thuhet në postim.
Ndër të tjera, Ambasada Shkruan se vazhdimi i reformës në drejtësi nuk ka qenë i lehtë, por ata që janë përgjegjës së bashku me SHBA do të vazhdojnë edhe përtej pikës që kanë mundur ta sjellin deri më tani. “Përfaqësuesit e Ambasadës së ShBA u mblodhën së fundmi me disa nga individët e shumtë që punojnë pa u lodhur, çdo ditë, për të zbatuar këto koncepte dhe për ta bërë reformën në drejtësi një sukses. Reforma në drejtësi nuk është e lehtë, e shpejtë apo e përsosur dhe Ambasada e Shteteve të Bashkuara është mirënjohëse për ata që e kanë sjellë Shqipërinë deri këtu”, thuhet në postim, ndërsa tregohet se ecuria e deri më tanishme jep sinjale pozitive.
Discussion about this post