Reforma në drejtësi ka dështuar në 2 objektivat madhore : eficenca dhe dhënia fund e pandëshkueshmërisë së zyrtarëve te lartë.
Sipas Sekretarit të Përgjithshëm të PD Gazment Bardhi, 6 vjet pas reformës nuk është bërë asgjë, duke pohuar se tashmë janë 0 rezultate. “Për fat të keq edhe përse kemi hyrë në vitin e gjashtë të zbatimit të reformës në Drejtësisë ka zero rezultate në raport me të dy objektivat madhore që kishte Reforma në Drejtësi.”, shprehet demokrati. Sipas Bardhit, prioritetet e vendosura nga qeveria janë për të anashkaluar integrimin për qëllime politike dhe për të mbuluar korrupsionin.
Gazment Bardhi vlerësoi se në situatën kur krimi dhe korrupsioni kanë kapur shtetin, pastrimi i politikës dhe ndëshkimi i zyrtarëve të korruptuar duhet të jetë prioritet kryesor.
Ndër të tjera Bardhi shtoi se pritshmëritë për drejtësine e re janë lufta ndaj korrupsionit e krimit të organizuar, duke shtuar këtu dhe krerët e lartë.
“Gjykoj që puna e të gjithëve ne duhet të përqëndrohet tek prioritetet reale, tek pritshmëritë që kanë qytetarët në raport me reformën në drejtësi dhe mbi të gjitha tek ajo që ne presim nga drejtësia e re: lufta ndaj korrupsionit dhe krimit të organizuar, duke nisur nga zyrtarët e lartë dhe shkëputja e lidhjeve mes politikës dhe krimit”, përfundoi Bardhi.
