Projektligji që u miratua dje nga parlamenti i vendit dhe është pjesë e reformës më të gjerë në drejtësi të kërkuar nga qeveria e Benjamin Netanyahut, nuk thotë se do të ndalet kaosi që është shkaktuar në Izrael.
Sipas Guardian, mjekët në të gjithë Izraelin do të dalin sot në grevë, duke protestuar kundër projektligjit që ka përçarë shoqërinë e vendit në muajt e fundit dhe ka shkaktuar protesta masive.
Kujtojmë se ky ligj mohon aftësinë e Gjykatës së Lartë për të anuluar vendimet e qeverisë apo të ministrive nëse i konsideron ato “absurde”.
Projektligji u miratua me 64 vota kundër, teksa deputetët e opozitës abstenuan nga votimi në shenjë proteste dhe u larguan nga seanca plenare e Knesset-it duke thirrur “Turp”.
Menjëherë pas shpalljes së rezultatit të votimit, kreu i sindikatës kryesore të sektorit publik të Izraelit tha se do të takohej me zyrtarë të tjerë të sindikatave për të diskutuar mundësinë e thirrjes së një greve të përgjithshme.
🇮🇱 Israel’s parliament on Monday approved the first major law in PM #Netanyahu’s contentious plan to overhaul the country’s justice system.
🪧 The move triggered a new burst of mass #protests. @MonteReports has what you need to know 👇 pic.twitter.com/bgIVoHkAOx
— FRANCE 24 English (@France24_en) July 25, 2023
Siç raporton Guardian, zhvillimet e fundit pas miratimit të projektligjit, të cilat përfshijnë grevat e mjekëve, kërcënimin për një grevë të përgjithshme dhe refuzimin e mundshëm të 10 mijë rezervistëve ushtarakë për t’u paraqitur në detyrë, duket se po hapin një kapitull të ri në krizën që ka pllakosur Izraelin prej disa muajsh.
Mbrëmë, rrugët rreth ndërtesës së parlamentit në Jerusalem u mbushën me rreth 20 mijë protestues, të cilët valëvitnin flamuj dhe bërtisnin parulla të zemëruara si “Nuk do të tërhiqemi kurrë”.
Në muret dhe gardhet e zonës përreth, nga protestuesit u vendosën ngjitëse të panumërta ku shkruhej “nuk do t’i shërbejmë një diktatori”, “demokracisë ose revoltës” dhe “Të shpëtojmë Izraelin nga Netanyahu”.
Discussion about this post