Pedagogu Endri Shabani, në një intervistë për mediet u shpreh se tendenca e Ramës ka qenë për ta minuar procesin e reformës në drejtësi, sepse sipas tij kjo do të ishte një mënyrë që të mos pengonte abuzimin që ai bën me pushtetin.
Ai tha se gjyqtarët e prokurorët jo vetëm duheshin shkarkuar, ata duhet të ishin proceduar edhe penalisht sepse kanë bërë krime.
“Unë besoj se tendenca e Ramës ka qenë për ta minuar procesin e reformës në drejtësi, në mënyrë që të mos ketë pengesë në abuzimin që ai bën me pushtetin. Mjafton që ta paralizosh sistemin e drejtësisë, gjë që ka ndodhur sepse Rama ka qeverisur për 2 sisteme pa Gjykatë Kushtetuese apo pa gjykatë të Lartë e Administrative.
Unë jam i bindur që ata gjyqtarët e prokurorët jo vetëm duheshin shkarkuar, ata duhet të ishin proceduar edhe penalisht sepse kanë bërë krime”- tha Endri Shabani
Kryeministri Edi Rama ka deklaruar se zgjatja e Reformës në Drejtësi nuk është diçka për t’u negociuar me opozitën, por duhet të kryhet me patjetër. Kreu i qeverisë theksoi se zgjatja e mandatit të Vettingut është një domosdoshmëri që vjen si rezultat i një procesi që ka treguar sesa i vyer është për largimin e llumit nga sistemi i drejtësisë.
