Në takimin e përbashkët që po zhvillohet me KAS për reformën territoriale, kreu i PD Lulzim Basha u shpreh se kjo tryezë është një fillim i mbarë duke bërë thirrje për reflektim. Basha tha se PD dhe ai pret me padurim ecjen përpara të këtij procesi, ndërsa theksoi se sot po vërtetohen ato shkelje që ishin evidentuar prej fillimit nga PD mbi këtë reformë.
“Koha na ka dhënë të drejtë. Ndaj një thirrje për reflektim dhe me besim të madh se duke bashkuar shpresat e shqiptarëve për një jetë më të mirë këtu, jam i bindur se kjo tryezë e parë është një fillim i mbarë. Koha nuk pret dhe prandaj PD mbështet ecjen përpara të këtij procesi në të gjithë hapësirën publike, jo vetëm në atë parlamentare por kudo nga Jugu në Veri, nga Lindja në Perëndim e këtu në qendër ku pasojat e centralizimit janë më të dhimbshme”, u shpreh ai.
Ndërsa kërkoi bashkëpunimin e KAS për të ribërë një reformë të denjë territoriale, që nuk do ndikohet nga qëllimet politike.
Discussion about this post