Në fjalën e tij sot për reformën territoriale kreu i PD, Lulzim Basha, ka renditur dhe disa nga pikat që e bëjnë një nevojë urgjente ndryshimin e saj. Përveç faktit që kjo reformë u ndryshua për interesa politike, Basha thotë se ajo pengon procesin e shpërndarjes së fondeve për vendorët. Kryedemokratiti është shprehur se shpesh herë qytetarët dhe bizneset ankohen se paguajnë një për një taksat, por kurrë nuk marrin shërbimin për të cilin investojnë paratë e tyre.
“Qytetarët thonë se paguajmë dhe nuk marrim shërbimin për të cilin paguajmë! Nëse shteti në vetvete është kontrata e individëve për të ruajtur jetën, shëndetin publik, arsimin, pushteti vendor u jep formë shumicës prej këtyre detyrimeve. Nëse i qëndron centralizimit fiskal atëherë të ndahen në një mënyrë që të delegohen ndaj pushtetit vendor bashkë me kompentencat dhe me fondet. Ky thotë se këto janë përgjegjësi të pushtetit vendor por nuk u jep fonde dhe u ka marrë të gjithë instrumentet e tyre për të realizuar shërbimet e duhura”, Tha Bash.
Ndërsa përmendi një problematike që dëshmon se reforma aktuale territoriale nuk ndihmon aspak qytetarët. Ai tha se në çdo qytet të Shqipërisë kemi probleme me pastrimin e territorit dhe kjo vjen për shkak se paratë për këtë shërbim Rama i dërgoi te inceneratorët që nuk funksionojnë.
“Kemi rastin e pastrimit të plehrave, që është detyra bazë e pushtetit vendor. Papritma, kompetencat e pastrimit u transferuan nga pushteti vendor, në atë qendror. Pse? Di të pastrojë më mirë Edi Rama? Jo, përgjigjja është shumë e qartë, të ndërtohej një skemë për 3 pseudo-inceneratorët të ndërtuar me taksat e shqiptarëve ku dy prej tyre as nuk ekzistojnë. Rindarja territoriale është një nevojë urgjente sot, e duan qytetarët nga jugu në veri. Duan që pushteti vendor t’u rikthehet në radhë të parë si demokraci dhe në radhë të dytë si e drejtë e tyre për të marrë shërbimet që i paguajnë”, u shpreh ai. Ndërsa të gjithë të pranishmit nga radhët e PD thanë se kjo reformë duhet ndryshuar dhe nuk kemi pse të humbasim më kohë për gjëra që duken qartë.
Discussion about this post