Reforma territorial e qeverisë Rama është folur shumë si një gabim i madh, pasi ka sjellë probleme të shumta edhe te qytetarët. Më së shumti opozita e ka kundërshtuar këtë reformë dhe kërkon rishikimin e saj, duke theksuar se ka futur në krizë vendorët dhe se Rama e bëri për interesa politike ndarjen e re. Më tej ai u shpreh se, sot nga 61 bashki 2/3 prej tyre janë me probleme financiare ekonomike. Është një dilemë e madhe midis pasjes së përfaqësimit dhe demokracisë lokale apo ekonomisë së shkallës.
Në lidhje me këtë çështje ka folur sot në një interviste televizive Eksperti Agron Haxhimalli. Ai tha se mazhoranca përpiqet ta mbrojë edhe pse në thelb e pranon që disa gjëra nuk shkojnë. Eksperti tha se opozita në lidhje me këtë çështje është me e artikuluar dhe kërkon rregullimin dhe organizimin territorial. “Pala tjetër për hir të së vërtetës është më e artikuluar, ka një qasje që kërkon edhe rregullimin, organizimin territorial por është pro të rregullojë edhe rregullimet administrative, edhe për nivelin e parë edhe për nivelin tjetër. Ndërsa pala tjetër përpiqet që të shkojë drejt një tendence që të merret me pushtetin vendor nuk ka ndonjë interes shumë të madh”, u shpreh eksperti.
Ndërsa deklaroi se, do ishte mirë që ekspertët nga ana teknike t’i propozonin Komisionit dhe Parlamentit që të kemi një produkt që të ushqejmë opinionin publik.
Discussion about this post