Drejtoresha ekzekutive e Shoqatës për Kulturë demokratike, Gerta Meta në një intervistë për Ora Neës është shprehur se reforma territoriale është atakuar. Meta tha se kjo reformë nuk është bërë për të përmirësuar shërbimet në komunitet për qytetarët por për t’i shërbyer interesave politike.
“Reforma territorjale gjithmonë është atakua si një reformë që nuk e ka pasur dakordësinë dhe vullnetin e palëve politike sepse është bërë e njëanshme nga maxhoranca aktuale kështu që duhet që partitë politike të reflektojnë. Reforma administrative është nje reformë që në fokus ka komunitete, qytetarë, shërbime, para, financa. Kemi një ligj për autonominë lokale të njësive administrative. Nga reforma e kaluar kemi 61 Bashki dhe ka qenë një rrëmujë e madhe në diskursin politik për të pranuar se cila do të jetë njësia që do të përfaqësojë qytetarët.
Fakti që ka pasur një lloj sulmi një lloj atakimi për reformën territoriale, nuk është bërë për tu shërbyer qytetarëve dhe për të përmirësuar shërbimet në komunitet dhe për qytetarët në veçanti por ka qenë më tëpër një reformë që i ka shërbyer interesave politike për të marrë qeverinë”-tha ajo.
Discussion about this post