Taulant Xhaka i ka habitur të gjithë me refuzimet e një pas njëshme të ftesave për t’u grumbulluar me Kombëtaren.
Së fundmi atij i është kërkuar t’i bashkohet grupit ‘Kuqezi’ për ndeshjet e fundit kualifikuese të Botërorit ‘Qatar 2022’, por lojtari i Baselit e ka refuzuar atë ftesë.
Duket se marrëdhëniet jo të mira me trajnerin aktual të Shqipërisë, Edoardo Rejan ka qenë arsyeja pse mesfushori ka marrë një vendim të tillë, duke dalë edhe kundër deklaratave të vetes të para disa viteve, kur thoshte se Kombëtarja vjen mbi gjithçka.
Xhaka humbi kështu mundësinë pas ‘Euro 2016’, nëse do të kualifikohemi në Botëror, që të ishte në nga të paktët lojtarë që janë pjesë e këtyre sukseseve.
Teksa duket se refuzimi i fundit ishte dhe ‘divorci’ midis mesfushorit dhe Kombëtares ‘Kuqezi’, pasi duket shumë e vështirë që në drejtim të tij të shkojë një tjetër ftesë në të ardhmen.
Rikujtojmë se ditën e dielë u publikua edhe lista me 25 emrat e grumbulluar, ku shihet mungesa e Amir Abrashit dhe Qazim Laçit, të dy të dëmtuar.
Ndeshja e parë e Kombëtares sonë është ajo e datës 9 tetor kundër Hungarisë që do luhet në transfertë dhe më 12 tetor kundër Polonisë që do zhvillohet në ‘Air Albania’./K.T/Gijotina.com
