Lojtari i Kombëtares së Kosovës, Florent Hoti ka folur së fundmi për refuzimin që i bëri përfaqësueseve të Shqipërisë dhe Anglisë.
Lojtari që aktivizohet te skuadra Dandit në Skoci zgjodhi të ishte pjesë e ‘Dardanëve.
Në një intervistë të dhënë për faqen zyrtare të klubit skocez, 20-vjeçari sqaron se pse mori këtë vendim.
“Është një nder të luash për vendin tim, jo të gjithë kanë mundësi ta bëjnë këtë. Dua të bëj sa më shumë paraqitje për vendin tim dhe mund të luaj për Kosovën, Shqipërinë dhe Anglinë. Do të luaja më parë me Shqipërinë të cilët më thirrën për një grumbullim në mars, por për shkak të Covid-it nuk munda të shkoja. Grumbullimi i radhës ishte në qershor, por në të njëjtën kohë më thirri edhe Kosova.
Shqipëria, Kosova apo Anglia? “Prindërit e mi kur lindën i klasifikonin si shqiptarë, por kjo do të thoshte se mund të luaja për të dyja. Unë në fakt e shoh veten si kosovar dhe pak shqiptar, por vendosa që Kosova ishte më e mirë për mua”.-tha ai.
Më tej lojtari shtoi se pasi e diskutoi me prindërit e tij, kjo ishte alternativa më e mirë.
“Bëra një bisedë me prindërit e mi dhe të gjithë ramë dakord se ishte alternativa më e mirë për mua. Ishte një vendim i rëndësishëm dhe diçka për të cilën doja që të gjithë të ishim dakord dhe fatmirësisht e bëmë. Ne në fakt luajmë me Shqipërinë muajin tjetër, kështu që mund të jetë interesante!”,-tha Hoti./K.T/Gijotina.com
