Në Universitetin e Korçës deri më këtë fazë janë plotësuar mbi 50% e kuotave. Degët e sporteve janë plotësuar, ndërsa regjistrime të larta ka dhe në infermieri.
“Mbi 50% e kuotave, janë plotësuar në Universitetin e Korçës deri në këtë fazë të regjistrimeve. “Ka regjistrime në të gjitha degët. Kemi një numër pak më të lartë se vitin e kaluar. Ka një shtim, por edhe shpërndarje nëpër gjitha degët” tha Rektori i Universitetit të Korçës, Lorenc Ekonomi.
Rektor i Universitetit të Korçës tha se degët më të preferuara janë ato të sporteve tashmë të plotësuara, infermieria, teknologjia e informacionit dhe dega e re e hapur këtë vit për herë të parë, ajo e inxhinierisë kompjuterike.
“Këto studentë që vijnë të parët janë me mesatare shumë të lartë. Që ditën e parë janë plotësuar sportet, infermieria është goxha mirë. Kemi rritje në teknologji-informacioni, inxhinieri kompjuterike degë e hapur këtë vit. Financa. Kudo ka interes. Për herë të parë hapet dega e inxhinerisë kompjuterike. Është degë e përbashkët me Politeknikun ne Tirane dhe kemi prurje goxha të mira”, u shpreh Ekonomi.
Më pak të preferuara janë degët e mësuesisë si Matematikë, Fizike, Gjuhë-Letërsi shqipe dhe gjuhë pakicash. Po kështu interes i ulët paraqitet dhe për Ekonomiksin.
Discussion about this post