Një djalë kinez vetëm 19-vjeç është bërë pacienti më i ri në botë me formën e demencës senile të Alzheimerit. Sipas asaj që u botua në Journal of Alzheimer’s Disease nga ekipi i profesorit Jia Jianping, neurolog në Spitalin e Miqësisë dhe Qendrës Kombëtare Kërkimore Klinike për Sëmundjet Geriatrike në Pekin, gjithçka filloi kur ai ishte vetëm 17 vjeç me problemet e përqendrimit në shkollë të mesme.
Ai nuk ishte më në gjendje të lexonte si më parë, kishte vështirësi në përqendrim dhe në kryerjen e detyrave, me deficite të dukshme të kujtesës afatshkurtër. I riu nuk ishte në gjendje të mbante mend se ku i kishte vendosur gjërat e tij personale, nëse kishte ngrënë apo pirë tashmë dhe u tërhoq nga familja.
“Nëse vërtetohet nga analizat e mëtejshme, ky do të ishte pacienti më i ri në botë”, komenton prof. Paolo Maria Rossini, Shef i Departamentit të Neuroshkencës dhe Neurorehabilitimit të IRCCS San Raffaele.
Pacienti i ri kinez iu nënshtrua një sërë testesh neuropsikologjike të cilat treguan një deficit të dukshëm të kujtesës.
Rasti i parë i përshkruar në vitin 1906 nga neurologu gjerman nga i cili mori emrin atëherë sëmundja ishte një grua 49-vjeçare. Në dekadat në vijim dhe veçanërisht në 20 vitet e fundit janë përmirësuar shumë metodat për kryerjen e diagnozës së hershme.
Discussion about this post