Reja: Broja duhet të mësojë nga Tonali

Shqipëria do të përballet me Italinë ditën e nesërme në orën 20:45 në stadiumin Air Albania.

Miqësorja e luksit pritet me shumë interes teksa biletat janë shitur të gjitha dhe në Air Albania, plot 22 mijë tifozë do të ndjekin supersfidën.

Në konferencën për shtyp para ndeshjes, trajneri Reja u ndal edhe te situata e kombëtares italiane.

Pse nuk jemi në Botëror?

Është pak e gjatë. Duhet të takohemi e të flasim për shumë gjëra. Sektoret e të rinjve në Itali janë bërë pothuajse nga të huajt. Në të shkuarën kishte grupime të Juventusit, Milani dhe Interit, tani Mancini duhet të peshkojë diku gjithandej. Janë pak lojtarë nga ekipet me eksperience ndërkombëtare.

Në këto ndeshje ti je brenda ose jashtë, nuk është kampionat ku ke mundësi të rikuperosh. Nuk ka skuadra që mund t’i marrësh lehtësisht por problemi është se në Itali ka shumë të huaj. Italia pa dy Kupa Bote është e vështirë, nuk shohin Botëror prej 12 vitesh tani.

A ka diçka për të ndryshuar?

Po, mentaliteti. Mourinho tani ka mbërritur dhe luan në mbrojtje me kundërsulme. Në Serie A tani sulmohet më shumë dhe është ktheyr një një pikë ndryshimi, po shohim për një lojë më produktive. Edhe ne trajnerët kemi ndryshuar nga ana mentale.

Çfarë lojtari është Broja?

Ai ka kualitet por është shumë herët të thuhet se ku do të shkojë. Ai ka potencial të bëhet i madh por ka shumë lojtarë të tjerë dhe ti nuk bëhesh dot i mirë menjëherë. E keni parë Tonalin? Ai pati vështirësi në vitin e parë me Milanin. Të arrish në ato nivele, të nevojiten pasimet e duhura, duhet të arrish atje gradualisht ssepse në klubet e mëdah, kritikat janë të menjëhershme. Kur hedh një të ri në lojë, ti rrezikon ta djegësh atë menjëherë.