Trajneri i kombëtares Edi Reja ka skanuar kampionatin Italian në këtë start edicioni. Në një intervistë për “Il Mattino”, ai ka bërë analizën e Serisë A dhe situatën e disa skuadrave ku ka theksuar se nuk e mendonte kurrë që Juventusi të bënte këtë nisje teksa natyrisht që intervistën e nisi duke komentuar ish-skuadrën e tij, Napolin.
“Napoli në krye? Është e drejtë që të ketë entuziazëm, të fitosh të jep ndjesi unike. Por duhet të jenë të kujdesshëm, të qëndrojnë me këmbë në tokë, pasi përveç Juventusit të cilin ta takosh në këtë periudhë është një fat i vogël,
Çfarë më ka bërë përshtypje? Vështirësitë me të cilat po ndeshet Alegri te Juventusi. Nuk do ta kisha imagjinuar kurrë kaq larg vendit të parë. Dhe 10 pikë janë shumë. Mendoj se do të jetë e komplikuar të rikthehet në lojë për titullin.
Ndaj Interit kam parë Atalantën e Gasperinit që njoh. Po kthehet te nivelet e të kaluarës. Organika që kanë në dispozicion Pioli te Milani dhe Inzagi te Interi janë e nivelit më të lartë. Projekti i Sarrit po bën hapat e parë. Derbi të jep një shtysë unike. Por Roma humbi vetëm për disa episode”, tha Reja në analizën e tij”, theksoi Reja.
