Trajneri i kombëtares shqiptare të futbollit, Edy Reja ka dhënë një intervistë për “Il Messaggero” ku ka folur për vendin që do të presë finalen e Conference League dhe për stadiumin “Air Albania” të Tiranës, që nga shumë konsiderohet si i vogël për një ndeshje finale të një kompeticioni europian.
“Askush nuk e priste këtë interesim kaq të madh për këtë turne, kjo është e vërteta. UEFA mendonte një sezon eksperimental, por nuk ndodhi kështu…
Në vitet e fundit është luajtur në Tallin dhe Belfast, prandaj nuk më duket skandal që të organizohet një finale në kryeqytetin e Shqipërisë.
“Arena” është një xhevahir, shikueshmëria është perfektë, por ekzistojnë disa probleme logjistike. Shumë hotele nuk kanë më vende të lira, banorët japin me qira dhoma, por këto janë gjëra që ndodhin kudo.
Ka një emocion shumë të madh, unë do të bëj tifo për Romën. Mourinho është rinuar te skuadra verdhekuqe”, ka thënë mes të tjerash Reja.
Discussion about this post