Shqipëria është gati. Kuqezinjtë prej ditës së djeshme kanë zbarkuar në Tel Aviv dhe sonte në orën 20:45 do të përballen me Izraelin në duelin e Nations League. Trajneri Edy Reja është dashur të përballet me mungesa dhe ka pasur disa dilema.
Gjithsesi italiani i ka marrë vendimet dhe tashmë është mësuar rreshtimi. Thomas Strakosha aktivizohet në portë. Në prapavijë Reja kishte dilemë për partnerin e Ismajlit dhe do jetë Ajeti, jo Veseli. Balliu e Hysaj janë titullarë nga krahët. Në mesfushë tekniku italian preferon Qazim Laçin, Amir Abrashin dhe Klaus Gjasulën.
Para tyre është aktivizuar Kristjan Asllani, jo Nedim Bajrami. Një pozicion i ri për mesfushorin e Interit. Në sulm Armando Broja konsiderohet i padiskutueshëm në duelin e mbrëmjes së sotme dhe do luajë krah Cikalleshit, pas problemeve të Uzunit.
Shqipëria (4-3-1-2): Strakosha – Balliu, Ismajli, Ajeti, Hysaj – Laçi, Gjasula, Abrashi – Asllani – Broja, Cikalleshi
Discussion about this post