Poloni-Shqipëri, dueli i Varshavës vendosi rekord në gjysmëfinalet e ‘play-off’-it të Botërorit

Ndeshja mes Polonisë dhe Shqipërisë në stadiumin e Varshavës, ka qenë ajo me numrin më të madh të tifozëve mes të gjitha sfidave të play-off të Botërorit që u zhvilluan në 24 orët e fundit, sipas të dhënave zyrtare të takimeve.

Shifrat tregojnë se kjo ndeshje ka pasur një prani shumë të madhe tifozësh, me një diferencë të ndjeshme me të gjitha sfidat e tjera që janë luajtur për rrugëtimin drejt Botërorit.

Në stadiumin e Varshavës ishin të pranishëm më shumë se 56 mijë tifozë, me një diferencë prej 15 mijë personash me ndeshjen e dytë me më shumë mbështetës, atë mes Kaledonisë së Re dhe Xhamajkës.

Edhe një sfidë e ndezur si ajo mes Turqisë dhe Rumanisë nuk i afrohej duelit të kuqezinjve, pasi ajo u ndoq nga thuajse 40 mijë tifozë.

TIFOZËT NË NDESHJE

56412 Poloni-Shqipëri

40983 Kaledonia e Re-Xhamajka

38979 Turqi-Rumani

35746 Danimarkë-Maqedoni e Veriut

33547 Bolivi-Surinami

32487 Uells-Bosnjë Hercegovinë

23439 Itali-Irlandë e Veriut

20113 Sllovaki-Kosovë

19137 Çeki-Irlandë

18846 Ukrainë-Suedi