“Ka shumë gjëra në kokën time tani. Kam njëmbëdhjetë muaj në Romë dhe menjëherë e kuptova se ku isha. Siç u thashë djemve. Në Torino bëmë atë që duhej të bënim duke u kualifikuar në Europa League, bëmë detyrën tonë. Sot nuk ishte punë, sot ishte histori dhe ne e shkruam”.
Kështu e nisi Jose Mourinho deklaratën e tij pasi fitoi Conference League kundër Feyenoord, falë golit të Zaniolo, që e futi në histori edhe trajnerin portugez, i cili më parë ka fituar edhe Champions League dhe Europa League.
“Conference League ishte një kompeticion që ne donim ta fitonim dhe ndërsa vazhdonim ajo gjithnjë bëhej më shumë e vështirë. Na u desh të mposhtnim një ekip të Premier League, luajtëm me Feyenoord që eliminoi Marseille”, shton portugezi.
“Ndoshta mund të kishim shënuar disa pikë më shumë në kampionat, por kemi dhënë shumë në Conference League”, deklaroi Mourinho, i cili u ngacmua edhe në lidhje me të ardhmen e tij në krye të Romës.
“Unë qëndroj, dua të qëndroj edhe nëse dëgjojmë zëra… Tani duhet të shohim se çfarë kërkon të bëjnë pronarët. Mund të ndjekim një projekt me njerez të ndershëm dhe seriozë, na mbetet vetëm të përcaktojmë drejtimin e sezonit të ardhshëm”.
“Gjëja e bukur në karrierën time, përtej Ligës së Evropës të fituar me Manchester United, është se ta bësh atë me Porton, me Interin pas kaq shumë vitesh dhe ta bësh me Romën është e veçantë”. 100% romanist? “Ndjehem si një romanist”, përfundoi Mourinho.
Discussion about this post