Dërgesat e emigrantëve mbeten burim kryesor për familjet shqiptare. Ndërkohë që pandemia la të papunë mijëra qytetarët, shumë familje mbijetonin me dërgesat e familjarëve që punojnë jashtë vendit.
Sipas të dhënave të publikuara nga INSTAT, emigrantët kanë sjellë tek të afërmit e tyre mbi 340 milionë euro në 6 muajt e parë të vitit, sipas të dhënave të bilancit të pagesave, të bëra publike nga Banka e Shqipërisë. Ky është niveli më i lartë i regjistruar që nga viti 2012.
Prandaj dhe pjesa më e madhe e qytetarëve në vend gjenden në krizë të madhe financiare Italia dhe Greqia vijojnë të mbeten kanalet kryesore të dërgimit të parave në vend, për shkak të numrit të lartë të emigrantëve që jetojnë e punojnë në shtetet fqinje. Por, vitet e fundit, po rriten edhe prurjet nga vendet e reja të emigrimit, kryesisht Mbretëria e Bashkuar dhe sidomos Gjermania. Aktorët e tregut pohojnë se Gjermania, për vetë faktin që është në tipologjinë e një vendi me emigracion të ri, gjatë viteve të fundit ka qenë në një rritje konstante. / Gijotina.com /
