Trajneri i Italisë Roberto Mancini u shpreh së fundmi se atij i intereson vetëm ecuria e Kombëtares.
“Jam i fokusuar te Azzurrët, stërvitja e tyre është gjëja më e mirë”,-tha ai për IlRestoDelCarlino.it.
Mancini kujtoi suksesin në Wembley dhe foli për të ardhmen e tij me ekipin e përfaqësueses italiane.
“Ne shpesh flisnim për këtë me lojtarët, objektivi i përbashkët ishte të bënim diçka të veçantë për tifozët tanë. Duke ditur që ne kishim mbështetjen e një kombi të tërë pas nesh, na shtyu drejt synimeve që shumë mendonin se ishin të paarritshëm.”-vijoi tekniku.
Më pas ai u pyet nëse e ka konsideruar rikthimin si trajner të një klubi në të ardhmen e afërt, por theksoi se ai përqendrohet vetëm në Kupën e Botës 2022 në Katar.
“Tani, është Kupa e Botës, ne duhet të kualifikohemi shpejt dhe duhet të përpiqemi të fitojmë. Unë nuk mendoj për klubet, dhe jam i fokusuar në ekipin kombëtar. Trajnimi i ekipit kombëtar është gjëja më e mirë.”-mbylli fjalën e tij Mancini./K.T/Gijotina.com
